#Sessiya_oldi_organish #19_1_Modda_ijrosi

❗️ CHILONZOR TUMANIDAGI “BEKTO‘PI” MAHALLASIDA NASOS STANSIYASINI MODERNIZATSIYA QILISH ISHLARI O‘RGANILDI

🏛 Xalq deputatlari Toshkent shahar Kengashining Qurilish, kommunal, suv xo‘jaligi, ekologiya, sanoat va transport masalalari bo‘yicha doimiy komissiyasi a’zolari hamda Toshkent shahar Kengashi deputatlari tomonidan Toshkent shahar hokimining o‘rinbosari — Uy-joy kommunal xo‘jaligi bosh boshqarmasi boshlig‘i Muminov Obidjon Odilovich boshchiligida, mutasaddi tashkilotlar rahbarlari bilan birgalikda kommunal ta’minot va 2026–2027-yillar kuz-qish mavsumiga tayyorgarlik holati yuzasidan sessiyaoldi o‘rganish ishlari davom ettirildi.

🔺 O‘rganishlarning navbatdagi manzili Chilonzor tumani “Bekto‘pi” mahalla fuqarolar yig‘ini hududida modernizatsiya qilinayotgan nasos stansiyasi bo‘ldi. Deputatlar va soha mutasaddilari obyekt faoliyati hamda amalga oshirilayotgan modernizatsiya ishlarining borishi bilan yaqindan tanishdi.

♨️Jarayonda nasos stansiyasining texnik holati, uskunalarni yangilash, issiqlik ta’minoti tizimining barqaror ishlashini ta’minlash hamda kuz-qish mavsumida yuzaga kelishi mumkin bo‘lgan nosozliklarning oldini olish masalalariga alohida e’tibor qaratildi.

⚙️ Shuningdek, modernizatsiya ishlari doirasida mavjud uskunalarning samaradorligini oshirish, energiya sarfini kamaytirish, texnik xizmat ko‘rsatish tizimini takomillashtirish hamda issiqlik energiyasini iste’molchilarga uzluksiz yetkazib berish imkoniyatlari ko‘rib chiqildi.

💡 Energiya tejamkor texnologiyalardan foydalanish, nasos uskunalarining samarali ishlashi, elektr energiyasi sarfini maqbullashtirish hamda modernizatsiya tadbirlarining kommunal xizmatlar sifatiga ta’siri bilan bog‘liq masalalar ham muhokama qilindi.

🗣 “Veolia Energy Tashkent” MChJ XK direktori S. Karimova mas’ulligida nasos stansiyasida olib borilayotgan ishlar, obyektning mavsumga tayyorgarligi, texnik xavfsizlik talablari hamda mavjud masalalar yuzasidan fikr almashildi.

📋 O‘rganish davomida issiqlik ta’minoti infratuzilmasini modernizatsiya qilish, aholi va ijtimoiy soha obyektlariga xizmat ko‘rsatish barqarorligini ta’minlash hamda avariya holatlarining oldini olish masalalariga e’tibor qaratildi.

♻️ Mazkur o‘rganishlar kommunal infratuzilmaning ishonchliligini oshirish, kuz-qish mavsumiga puxta tayyorgarlik ko‘rish va energiya resurslaridan samarali foydalanishga qaratilgan.

➡️ Poytaxtda kommunal ta’minot obyektlarining texnik holati va kuz-qish mavsumiga tayyorgarligini o‘rganish ishlari davom etmoqda.

📱 Telegram 📱 Instagram 📱 Facebook 📱 YouTube 🔎 E-kengash