Xalq deputatlari Qo‘qon shahar Kengashiga 14-“Degrizlik” saylov okrugidan saylangan deputat O.Bozarov tomonidan “Degrizlik” mahalla fuqarolar yig‘inida yoshlar yetakchisi M.Qosimov hamda O‘zbekiston Ekologik partiyasi Qo‘qon shahar Kengashi raisi A.Akbarov ishtirokida o‘rganish ishlari olib borildi.

O‘rganish davomida mahalladagi yoshlar uchun yaratilgan sharoitlar, ularning bo‘sh vaqtini mazmunli tashkil etish hamda sport bilan muntazam shug‘ullanish imkoniyatlarini kengaytirish masalalariga e’tibor qaratildi.

️Muloqot jarayonida mahalla yoshlar yetakchisi M.Qosimov tomonidan hududda yoshlar uchun workout maydonchasini barpo etish taklifi ilgari surildi. Ta’kidlanganidek, bunday sport maydonchasining tashkil etilishi yoshlarning jismoniy faolligini oshirish, sog‘lom turmush tarzini targ‘ib qilish va bo‘sh vaqtlarini mazmunli o‘tkazishlari uchun qo‘shimcha imkoniyat yaratadi.

Mazkur tashabbus yuzasidan fikr almashilib, masalani tegishli tashkilotga deputatlik so‘rovi yuborish orqali ko‘rib chiqish bo‘yicha kelishuvga erishildi.

Endilikda yoshlar tashabbusini qo‘llab-quvvatlash, workout maydonchasini tashkil etish imkoniyatlarini o‘rganish hamda masalaning ijobiy hal etilishiga ko‘maklashish yuzasidan tegishli choralar ko‘rilishi ko‘zda tutilgan.

Xalq deputatlari Qo‘qon shahar Kengashi