Xalıq deputatları Taxtakópir rayonlıq Keńesi deputatı Dawletiyarova Venera Bagdiyarovna “Qaraoy ” АPJ aymaǵındaǵı 10-sanlı ulıwma bilim beriw mektebinde bolıp, mekteptiń gúzgi-qısqı máwsimge tayarlıq jaǵdayın úyrendi.
Úyreniw dawamında ısıtıw sisteması hám mektep imáratınıń ulıwma jaǵdayı kózden ótkizildi. Sonıń menen birge, gúzgi-qısqı máwsimde mektepte oqıw procesiniń úzliksiz hám qáwipsiz alıp barılıwı ushın jaratılǵan sharayatlarǵa itibar berildi.
Anıqlanǵan kemshiliklerdi qısqa múddette saplastırıw hám máwsimge tayarlıq jumısların sapalı juwmaqlaw boyınsha juwapkerlerge tiyisli usınıslar berildi.
Deputatlar tárepinen bilimlendiriw mekemeleriniń gúzgi-qısqı máwsimge tayarlıǵı boyınsha úyreniw jumısları dawam ettiriledi.