Doimiy komissiya: Oziq-ovqat xavfsizligi boʻyicha 34-sonli maktabgacha ta’lim tashkilotida oʻrganildi!

Tuman Kengashi deputati, doimiy komissiya raisi E.O'rmonov Guzar MFY hududidagi 34-sonli maktabgacha ta’lim tashkilotida oziq-ovqat xavfsizligi holati bilan tanishdi. Bolajonlarning sog‘lom va to‘g‘ri ovqatlanishini ta’minlash muassasaning muhim vazifalaridan biridir.

Maktabgacha ta’lim tashkilotida oziq-ovqat mahsulotlarini qabul qilish, saqlash va tayyorlash jarayonlariga alohida e’tibor qaratilmoqda. Oshxona va oziq-ovqat mahsulotlari bilan ishlash joylarida sanitariya-gigiyena talablariga rioya etilishi o`rganildi.

Taom tayyorlashda mahsulotlarni sifati, yaroqlilik muddati va saqlash sharoitlari tekshirildi. Taomlarni belgilangan talablar asosida tayyorlash, kunlik menyuga rioya qilish va bolalarga sifatli va xavfsiz oziq-ovqat yetkazib berish masalalari doimiy nazoratga olindi.