Xalq deputatlari Qo‘qon shahar Kengashi deputati X.Nazarova tomonidan o‘z saylov okrugi hududida joylashgan “At-Termiziy” mahalla fuqarolar yig‘inida aholi xonadonlarining ijtimoiy sharoitini o‘rganish ishlari olib borildi.

Jumladan, Q.Xaydarov ko‘chasi 61-uyda yashovchi Alimovlar oilasining yashash sharoiti o‘rganildi. Oila tarkibida II guruh nogironligi bo‘lgan bir nafar oila a’zosi mavjud bo‘lib, xonadon ehtiyojmand oilalardan biri hisoblanadi.

Tashrif davomida oila a’zolari bilan suhbat o‘tkazilib, ularning mavjud ehtiyoj va muammolari tinglandi. Muloqot jarayonida oila a’zosi M.Alimova uy sharoitida tikuvchilik faoliyati bilan shug‘ullanish, shu orqali oilaga qo‘shimcha daromad manbai yaratish maqsadida tikuv mashinasiga ehtiyoj borligini bildirdi.

Mazkur murojaat deputat X.Nazarova tomonidan e’tiborga olinib, tadbirkor va homiylarni jalb etgan holda oilaga tikuv mashinasi olib berilishi tashkil etildi.

Tikuv mashinasi Xalq deputatlari Qo‘qon shahar Kengashi kotibiyati mudiri A.Nosirov hamda mahalla faollari ishtirokida oilaga topshirildi.

Mazkur amaliy yordam orqali M.Alimovaning uy sharoitida tikuvchilik bilan shug‘ullanishi, mehnat qilishi va oilasiga qo‘shimcha daromad manbai yaratishi uchun imkoniyat yaratildi.

Xalq deputatlari Qo‘qon shahar Kengashi