Xalq deputatlari Chilonzor tumani Kengashi deputati Muhammedova Barno Farxodovna Qozirobod mahallasida bo‘lib, mahalla raisi va xotin-qizlar faoli bilan uchrashdi.

Uchrashuv davomida mahalladagi mavjud muammolar, aholi uchun qulay sharoitlar yaratish hamda ijtimoiy obyektlarning holati yuzasidan fikr almashildi.

Mahalla raisi tomonidan hududda joylashgan eski maktabgacha ta’lim muassasasi (bog‘cha) binosining holati ko‘tarilib, uni ta’mirlash va obodonlashtirish zarurligi ma’lum qilindi.

Deputat mazkur masalani o‘rganib, bog‘cha binosini ta’mirlash bo‘yicha tegishli takliflarni ko‘rib chiqish hamda masalani hal etish yuzasidan amaliy choralar ko‘rish muhimligini ta’kidladi.

Aholi murojaatlari va mahallalardagi ijtimoiy masalalar deputat e’tiborida!