“Bolalarni ijtimoiy himoyalash” sho‘basi faoliyati o‘rganildi 

Xalq deputatlari tuman Kengashi raisi X.Raximov, Kengash kotibiyati mudiri A.Yursunov, tuman hokimligi axborot xizmati rahbari
A.Xonkeldiyev, ekspert va yoshlar guruhi aʼzolari hamda viloyatda faoliyat yuritayotgan OAV vakillari ishtirokida “Inson” ijtimoiy xizmatlar markazi Oltiariq tumani bo‘limining “Bolalarni ijtimoiy himoyalash” sho‘basi faoliyati bilan yaqindan tanishildi. O‘rganish
davomida sho‘ba tomonidan og‘ir ijtimoiy vaziyatga tushib qolgan, alohida eʼtibor va himoyaga muhtoj bolalar bilan olib borilayotgan ishlar, ularning huquq va manfaatlarini taʼminlash, muammolarini aniqlash hamda zarur ijtimoiy xizmatlarga yo‘naltirish jarayonlari haqida maʼlumot berildi. Shuningdek, bolalarning oilaviy va ijtimoiy muhitini o‘rganish, har bir holatga individual yondashish, tegishli tashkilotlar bilan hamkorlikda muammolarni bartaraf etish bo‘yicha amalga oshirilayotgan ishlar
muhokama qilindi.