Termiz shahrida Yangi o‘quv yili boshlanishi munosabati bilan ko‘chalarda harakat xavfsizligini ta’minlash, ayniqsa, maktab o‘quvchilari va piyodalarning xatarsiz harakatlanishi uchun qulay sharoitlar yaratish borasidagi deputatlik nazorati izchil davom ettirilmoqda.

Xalq deputatlari Termiz shahar Kengashi raisi, deputat D.Normuradova, Kengashning 2-“Yulduz” saylov okrugi deputati I.Shatova hamda kotibiyat bosh mutaxassisi R.Mamashukurovlar “Yulduz” mahallasida bo‘lib, aholi murojaatiga asosan hududdagi Mirzo Ulug‘bek kochasida holatni o‘rgandilar.

Aholi vakillari Yangi o‘quv yili boshlangani sababli Mirzo Ulug‘bek ko‘chasida transport vositalari qatnovi va tezligi keskin ortganligini, bu esa hududdagi maktab o‘quvchilari, keksalar hamda piyodalar xavfsizligiga jiddiy xavf solayotganini bildirishgan.

Shu munosabat bilan, ko‘chada avtomobillar tezligini me’yorlashtirish uchun tezlikni pasaytiruvchi sun’iy notekisliklar hamda tegishli yo‘l belgilarini o‘rnatishda amaliy yordam so‘rashgan.

Murojaat va o‘rganish natijalari deputatning murojaat daftariga qayd etilib, Mirzo Ulug‘bek ko‘chasiga belgilangan standartlar bo‘yicha tezlikni sun’iy pasaytiruvchi moslamalar va yo‘l belgilarini o‘rnatish yuzasidan mas'ul tashkilot rahbarl;ariga deputatlik so‘rovi yuborilishi belgilab olindi.