Aholining ijtimoiy himoyasi va farovonligini ta’minlashga e’tibor qaratildi

Xalq deputatlari Qo‘shko‘pir tumani Kengashi kotibiyati bosh mutaxassisi S. Matyaqubova Zarbdor mahallasida bo‘lib, fuqarolarning ijtimoiy holatini o‘rgandi.

O‘rganish davomida Mahmud Qoshg‘ariy ko‘chasi 25-uyda istiqomat qiluvchi II guruh nogironi Qalandarov Jamol xonadonida bo‘lib, uning yashash sharoiti va mavjud muammolari bilan yaqindan tanishildi. Shuningdek, mazkur ko‘chaning 17-uyida yashovchi, Ijtimoiy reyestrda turuvchi Qosimova Laylo xonadonining ijtimoiy-iqtisodiy holati o‘rganildi.

Fuqarolar bilan muloqot davomida ularni qiynayotgan muammolar tinglanib, mavjud masalalarni qonuniy asosda hal etish, ehtiyojmand oilalarni ijtimoiy qo‘llab-quvvatlash hamda aholi bandligini ta’minlash bo‘yicha zarur tavsiyalar berildi.

Shuningdek, xonadonlarning daromad manbalarini oshirish, o‘zini o‘zi band qilish va tadbirkorlik faoliyatini yo‘lga qo‘yish imkoniyatlari yuzasidan tushuntirishlar olib borildi.

Mazkur o‘rganishlar xalq deputatlari va fuqarolar o‘rtasidagi ochiq muloqotni yanada mustahkamlash, aholining qonuniy manfaatlarini himoya qilish hamda hududdagi ijtimoiy masalalarni manzilli hal etishga qaratilgan deputatlik nazoratini kuchaytirishda muhim аҳамият kasb etadi.