Tibbiyot muassasasida raqamlashtirish jarayonlari o‘rganildi

Mamlakatimizda davlatimiz rahbari tashabbusi bilan sog‘liqni saqlash tizimida keng ko‘lamli islohotlar amalga oshirilmoqda.

Mazkur islohotlarning asosiy maqsadi aholiga ko‘rsatilayotgan tibbiy xizmatlar sifatini oshirish, fuqarolar salomatligini mustahkamlash hamda tibbiyot tizimini zamonaviy talablar asosida rivojlantirishdan iborat.

Bugungi kunda tibbiyot sohasiga raqamli texnologiyalarni joriy etish, tibbiy xizmatlarni elektron tizimlar orqali takomillashtirish masalalariga alohida e’tibor qaratilmoqda.

Shu maqsadda xalq deputatlari Pastdarg‘om tumani Kengashi deputati F.Xolmuratova tomonidan Xonchorbog‘ mahallasida joylashgan oilaviy shifokorlik punktida o‘rganish ishlari olib borildi.

O‘rganish davomida tibbiyot muassasasining moddiy-texnik bazasi, tibbiyot xodimlarining raqamli tizimlar bilan ishlash ko‘nikmalari, aholiga ko‘rsatilayotgan xizmatlar sifati ko‘zdan kechirildi.