Xalq deputatlari Nurobod tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi raisi X.Xazratova, mazkur doimiy komissiyaga biriktirilgan tashkilot vakillari hamda tuman Kengashi kotibiyati xodimlari ishtirokida doimiy komissiya tomonidan qabul qilingan qarorlar hamda Xalq deputatlari Nurobod tumani Kengashi qarorlarining ijrosi yuzasidan muhokama yig‘ilishi o‘tkazildi.

Muhokama davomida qabul qilingan qarorlarning ijro holati, belgilangan vazifalarning amaliy natijalari, ijro intizomini ta'minlash hamda mavjud kamchiliklarni bartaraf etish masalalari atroflicha ko‘rib chiqildi.

Doimiy komissiya raisi X. Xazratova tomonidan qarorlar ijrosini yanada samarali tashkil etish, deputatlik nazoratini kuchaytirish, tegishli tashkilotlar bilan hamkorlikni mustahkamlash hamda belgilangan vazifalarning o‘z vaqtida va sifatli bajarilishini ta'minlash yuzasidan tegishli taklif va tavsiyalar bildirildi.
Shuningdek, tuman Kengashi kotibiyati mudiri B.Oblanov doimiy komissiya faoliyatiga biriktirilgan tashkilot vakillari bilan hamkorlikni yanada kuchaytirish, hududlarda o‘rganish ishlarini tizimli tashkil etish, qonunlar va Kengash qarorlari ijrosi ustidan deputatlik nazoratini samarali yo‘lga qo‘yish bo‘yicha o‘z tavsiyalarini berdi.