Doimiy komissiya va biriktirilgan tashkilot o‘rtasidagi hamkorlik
Xalq deputatlari Pastdarg‘om tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi tomonidan biriktirilgan tashkilotlar faoliyati bilan hamkorlikni kuchaytirish, belgilangan vazifalar ijrosini deputatlik nazorati asosida o‘rganish ishlari olib borilmoqda.
🔹 Doimiy komissiya ishchi guruhi a’zosi N. Eliboyev tuman hokimining raqamlashtirish bo‘yicha maslahatchisi S. Xurramov bilan hamkorlikda tumanda raqamlashtirish sohasiga oid vazifalar ijrosi yuzasidan o‘rganish olib bordi.
📌 Jumladan, O‘zbekiston Respublikasi Vazirlar Mahkamasining 2018-yil 1-maydagi 318-son qarori bilan tasdiqlangan “O‘zbekiston Respublikasi Raqamli texnologiyalar vazirligi to‘g‘risidagi nizom” talablarining tumandagi ijrosi, raqamli texnologiyalarni joriy etish, davlat xizmatlarini raqamlashtirish hamda zamonaviy axborot texnologiyalaridan samarali foydalanish holatiga e’tibor qaratildi.
🤝 O‘rganish davomida mavjud holat, amalga oshirilgan ishlar va yechimini kutayotgan masalalar muhokama qilinib, aniqlangan kamchiliklarni bartaraf etish hamda sohada ishlarni yanada takomillashtirish bo‘yicha tegishli takliflar ishlab chiqildi.
📊 Doimiy komissiya va biriktirilgan tashkilotlarning o‘zaro hamkorligi — hududda belgilangan vazifalar ijrosini samarali tashkil etish va deputatlik nazoratini kuchaytirishga xizmat qiladi.