“Yuzrabot” mahallasida “Obod mahalla” dasturi ijrosi o‘rganildi

Xalq deputatlari Mirzo Ulug‘bek tumani Kengashi deputati, Adolat SDP a’zosi Botir Nurmato “Yuzrabot” mahallasida “Obod mahalla” dasturi doirasida amalga oshirilayotgan ishlar yuzasidan nazorat o‘rganishi olib borildi.

O‘rganishda mahalla hududida olib borilayotgan obodonlashtirish ishlari, hududning tozaligi, ko‘chalar va umumiy foydalanish joylarining holati ko‘zdan kechirildi. Shuningdek, amalga oshirilayotgan ishlarning belgilangan talablar asosida bajarilishi hamda mahalla hududini yanada obod va ko‘rkam maskanga aylantirish masalalariga alohida e’tibor qaratildi.

O‘rganish yakunida mavjud kamchiliklarni bartaraf etish, obodonlashtirish ishlarini izchil davom ettirish va aholi uchun yanada qulay muhit yaratish yuzasidan tegishli vazifalar belgilab olindi.

Asosiy maqsadimiz — mahalla infratuzilmasini yaxshilash, hudud ozodaligini ta’minlash hamda aholi uchun munosib yashash sharoitlarini yaratishdir.