#deputat_faoliyati
#haftalik_ish_reja_ijrosi
#kotibiyat_xodimi_faoliyati

AGROBANKDA KORRUPSIYAGA QARSHI KURASHISH MASALALARI MUHOKAMA QILINDI

Termiz tumanidagi “Agrobank” bank xizmatlari markazida korrupsiyaga qarshi kurashish, uning oldini olish hamda bank faoliyatida ochiqlik va shaffoflikni ta’minlash masalalariga bag‘ishlangan komissiya yig‘ilishi bo‘lib o‘tdi.

Yig‘ilishda korrupsiyaviy holatlarning oldini olish, xodimlar o‘rtasida qonuniylik va halollik tamoyillarini mustahkamlash, xizmat vazifalarini bajarishda mas’uliyatni oshirish hamda fuqarolar bilan ishlash jarayonida shaffoflikka rioya etish masalalariga e’tibor qaratildi.

Shuningdek, korrupsiyaga qarshi kurashishda profilaktik tadbirlarning ahamiyati, manfaatlar to‘qnashuviga yo‘l qo‘ymaslik, xizmat vakolatlaridan qonuniy foydalanish va murojaatlar bilan ishlashda xolislikni ta’minlash yuzasidan fikr almashildi.

Tadbirda korrupsiyaga qarshi kurashish komissiyasi a’zosi K. Abdullayeva ham ishtirok etdi.
Yig‘ilish yakunida korrupsiyaning har qanday ko‘rinishiga murosasiz munosabatni shakllantirish, qonun talablariga qat’iy rioya etish hamda korrupsiyaviy xavf-xatarlarning oldini olishga qaratilgan ishlarni izchil davom ettirish muhimligi ta’kidlandi.

Halollik, ochiqlik va qonuniylik — samarali faoliyatning muhim mezonidir.