Deputat, doimiy komissiya raisi Azamjon Kamolov Uzun tumanida qurilayotgan "Afro House" turar-joy majmuasi jarayonini o‘rgandi

Xalq deputatlari Uzun tuman Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiya raisi Azamjon Kamolov tumanda yangi barpo etilayotgan "Afro House" turar-joy binosining qurilish jarayonlarini ko‘zdan kechirdi.
O‘rganish davomida quyidagilarga alohida e’tibor qaratildi:
Qurilish sifatiga qo‘yilgan talablar va ish jarayonining belgilangan muddatlarga muvofiqligi;

Zamonaviy arxitektura yechimlari hamda aholi uchun yaratilayotgan qulayliklar;

Xavfsizlik qoidalariga qat’iy rioya qilinishi.
Mas’ullarga qurilish ishlarini sifatli yakunlash va hududni obodonlashtirish bo‘yicha tegishli tavsiyalar berildi.

Tumanimizda aholi uchun zamonaviy va qulay shart-sharoitlarga ega uylar qad rostlamoqda!