KUZ-QISH MAVSUMIGA TAYYORGARLIK HOLATI O‘RGANILDI 

Xalq deputatlari Quva tuman Kengashi deputati Y.Axmadaliyev hamda kotibiyat
bosh mutaxassisi A.Fozilov tomonidan 31-son umumiy o‘rta ta’lim maktabining
kuz-qish mavsumiga tayyorgarlik ishlari holati o‘rganildi. 

O‘rganish davomida ta’lim muassasasida qish mavsumini barqaror o‘tkazish
uchun yaratilgan sharoitlar, isitish tizimlarining texnik holati hamda mavjud
muhandislik jihozlarining mavsumga tayyorgarligi o‘rganildi. 

Shuningdek, qozonxona va isitish tizimlarining uzluksiz ishlashini
ta’minlash, yuzaga kelishi mumkin bo‘lgan nosozliklarning oldini olish hamda
ta’lim oluvchilar uchun zarur harorat sharoitini yaratish borasida amalga
oshirilayotgan ishlar tahlil qilindi. 

Aniqlangan
masalalar yuzasidan mas’ullarga tegishli tavsiyalar berilib, isitish
tizimlarini mavsum davomida barqaror ishlatish hamda mavjud kamchiliklarni o‘z
vaqtida bartaraf etish bo‘yicha zarur choralar belgilandi.