Namangan shahar Kengashida ZOOM orqali respublika seminari bo‘lib o‘tmoqda

O‘zbekiston Respublikasi Oliy Majlisi Senati Devoni Hududiy vakillik organlari faoliyatini o‘rganish markazi tomonidan tashkil etilgan “Xalq deputatlari mahalliy Kengashlari tomonidan aholi murojaatlarini ko‘rib chiqish hamda sessiyalarda davlat organlari va tashkilotlari rahbarlarining murojaatlar bilan ishlash bo‘yicha hisobot (axborot)larini eshitilishini samarali tashkil etish” mavzusidagi respublika seminari videokonferensaloqa (ZOOM) orqali o‘tkazilmoqda.

Mazkur seminarda Xalq deputatlari Namangan shahar Kengashi deputatlari, doimiy komissiyalar raislari, Kengash kotibiyati mudiri va xodimlari, shuningdek, Namangan shahar prokuraturasi hamda O‘zbekiston Respublikasi Prezidenti Xalq qabulxonasining Namangan shahridagi vakillari ishtirok etmoqda.

Seminar davomida aholi murojaatlarini ko‘rib chiqish amaliyoti, sessiyalarda davlat organlari va tashkilotlari rahbarlarining murojaatlar bilan ishlash bo‘yicha hisobotlarini samarali tashkil etish, bu boradagi qonunchilik talablari hamda ilg‘or tajribalar yuzasidan fikr almashilmoqda.

Mazkur seminar mahalliy Kengashlar faoliyati samaradorligini oshirish, fuqarolar murojaatlari bilan ishlash sifatini yanada takomillashtirish hamda idoralararo hamkorlikni mustahkamlashga xizmat qilmoqda.