Xalıq deputatları Bozataw rayonlıq Keńesiniń Jaslar másláhát toparı aǵzası G.Sarıbaeva, Keńes sekretariatınıń baslıǵı A.Ibragimov hám deputat G.Yusupova tárepinen "Kók suw" APJ aymaǵındaǵı 13-sanlı ulıwma bilim beriw mektebinde úyreniw jumısları alıp barıldı.
Úyreniw barısında mektepte oqıwshılar ushın jaratılǵan bilim alıw sharayatları, oqıw procesiniń shólkemlestiriliwi, klass xanalarınıń jaǵdayı, sanitariyalıq-gigienalıq talaplarǵa ámel etiliwi hám oqıwshılardıń qáwipsizligin támiyinlew boyınsha alıp barılıp atırǵan jumıslar kórip shıǵıldı.
Sonıń menen birge, mektepte jaslar menen islesiw, olardıń bos waqtın mazmunlı shólkemlestiriw, jámiyetlik jumıslarǵa belsene qatnasıwın támiyinlew hám jaslardıń pikir-usınısların úyreniw máselelerine de ayrıqsha itibar berildi.
Úyreniw dawamında mektep administraciyası hám oqıwshılar menen pikir alısıp, bilimlendiriwdiń sapasın jáne de arttırıw, jaslar ushın qolaylı sharayat jaratıw hám anıqlanǵan máselelerdi saplastırıw boyınsha usınıslar bildirildi.
Úyreniw nátiyjeleri boyınsha anıqlanǵan máselelerdiń tiyisli tártipte kórip shıǵılıwı hám olardıń sheshimin támiyinlew boyınsha tiyisli jumıslardı alıp barıw belgilenedi.