Xalq deputatlari Chinoz tumani Kengashining ish rejasiga muvofiq, O‘zXDPdan 20-Eshonobod saylov okrugidan saylangan deputat A.Adilbekovga biriktirilgan Kengash kotibiyatibosh mutaxassisi B.Ortiqboyev tomonidan Kanalobod mahalla fuqarolar yig‘inida hokim yordamchisi tomonidan amalga oshirilayotgan ishlar, xususan, aholini kambag‘allikdan chiqarish, bandligini ta’minlash hamda daromad manbalarini shakllantirish borasidagi faoliyati o‘rganildi.

O‘rganish davomida quyidagilar aniqlandi:

📌 “Onlayn mahalla” oilaviy tadbirkorlik dasturi doirasida 10 ga yaqin fuqaroga kredit mablag‘lari ajratilgan.

📅 2026-yil davomida jami 32 nafar fuqaroga kredit mablag‘lari ajratilgan bo‘lib, shundan:

🔶 15 nafar fuqaroga — chorvachilik yo‘nalishini rivojlantirish uchun;
🔶 4 nafar fuqaroga — qishloq xo‘jaligi asbob-uskunalarini xarid qilish uchun;
🔶 5 nafar fuqaroga — issiqxona tashkil etish uchun;
🔶 8 nafar fuqaroga — tikuvchilik faoliyatini yo‘lga qo‘yish uchun kredit mablag‘lari ajratilgan.

💰 “Mahalla loyihasi” doirasida jami 8 nafar fuqaroga 25 foizli kredit mablag‘lari ajratilgan. Mazkur kreditlar chorvachilik, issiqxona va tikuvchilik yo‘nalishlarini rivojlantirishga yo‘naltirilgan.

✅ Bugungi kunga kelib, mazkur yo‘nalishlar bo‘yicha belgilangan rejalar to‘liq bajarilgan.

🔹 Shuningdek, 4 ta oilaga tikuvchilik faoliyatini tashkil etish va rivojlantirish uchun imtiyozli kredit mablag‘lari ajratilgan.

🔹 Aholining kasb-hunarga bo‘lgan qiziqishini oshirish, ularni zamonaviy kasblarga o‘qitish hamda doimiy daromad manbaiga ega bo‘lishlarini ta’minlash maqsadida 2026-yil davomida 10 nafar fuqaro turli kasb-hunarlarga o‘qitilib, ularning bandligi ta’minlangan.