#nazorat_tahlil #biriktirilgan_tashkilot
#kotibiyat_xodimi_faoliyati

Biriktirilgan tashkilot faoliyati o‘rganildi

Xalq deputatlari tuman Kengashiga 3-Takiya saylov okrugidan saylangan deputat A.Abdinazarov o'ziga biriktirilgan tashkilot — tuman Bolalar musiqa va san’at maktabida tuman Kengashi kotibiyati bosh mutaxassisi A.Mamarajabov bilan birgalikda o‘rganish olib borildi.

O‘rganish davomida biriktirilgan tashkilot bilan ishlash yo‘nalishida maktabda o‘quvchilar uchun yaratilgan sharoitlar, ta’lim-tarbiya jarayonining tashkil etilishi, mavjud moddiy-texnik baza hamda o‘quvchilarning musiqa va san’at yo‘nalishlarida bilim va ko‘nikmalarini rivojlantirish borasida amalga oshirilayotgan ishlar bilan tanishildi.

Shuningdek, O‘zbekiston Respublikasining “Ta’lim to‘g‘risida”gi O‘RQ-637-son Qonuni ijrosi yuzasidan tayyorlangan savolnoma asosida ham o‘rganish olib borilib, ta’lim jarayonining qonunchilik talablariga muvofiqligi, o‘quvchilar uchun yaratilgan sharoitlar hamda ta’lim sifatini ta’minlash masalalariga e’tibor qaratildi.

O‘rganish yakunida aniqlangan masalalar yuzasidan mas’ullar bilan fikr almashilib, ta’lim sifatini yanada oshirish va o‘quvchilar uchun yaratilgan sharoitlarni takomillashtirish bo‘yicha tegishli tavsiya va takliflar berildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram