AHOLI MUROJAATI — DEPUTAT NAZORATIDA
📍 Xalq deputatlari Pastdarg‘om tumani Kengashi deputati M.Saidov tomonidan Mash’al mahallasi fuqarolari bilan uchrashuv o‘tkazildi.
🗣 Uchrashuv davomida aholi tomonidan navbatdagi sessiya kun tartibiga kiritilgan “O‘zbekiston – 2030” strategiyasining suv resurslaridan oqilona foydalanish yo‘nalishi bo‘yicha amalga oshirilayotgan ishlar, shuningdek, tumanda suv tejovchi sug‘orish texnologiyalarini joriy etish holati yuzasidan fikr va takliflar bildirildi.
💧 Muloqot jarayonida fuqarolar, ayniqsa, ariq suvi xonadonlargacha va ekin maydonlariga yetib kelmayotgani sababli tomorqa hamda ekin maydonlarini sug‘orishda qiyinchiliklar yuzaga kelayotganini ma’lum qildilar.
📌 Bildirilgan murojaat deputat tomonidan nazoratga olinib, muammoni tegishli mas’ul tashkilotlar bilan hamkorlikda o‘rganish va amaliy yechim topish masalasi belgilab olindi.
🤝 Aholi bilan ochiq muloqot — muammoni aniqlash, yechim topish va natijaga erishishning muhim omilidir.