Bugun Xalq deputatlari Toyloq tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi kotibi Abduxalil Mamadiyev, Kengash kotibiyati bosh mutaxassisi Shohzod G‘afforov hamda tibbiyot birlashmasi mas’ullari ishtirokida Navbahor mahallasidagi 11-Ispandi oilaviy poliklinikasi faoliyati o‘rganildi.

✅O‘rganish davomida aholiga ko‘rsatilayotgan tibbiy xizmatlar sifati, vaqtincha binoda faoliyat yuritish holati, tibbiyot xodimlari uchun yaratilgan sharoitlar hamda bemorlarni mutaxassis shifokorlarga yo‘naltirish tizimi ko‘zdan kechirildi.

✅Shuningdek, yangi poliklinika binosining qurilishi, mavjud muammo va kamchiliklar tahlil qilinib, ularni bartaraf etish hamda tibbiy xizmatlar sifatini oshirish yuzasidan tegishli tavsiyalar berildi.