✅Xalq deputatlari Toyloq tumani Kengashi 17-Xo‘jayuz saylov okrugi deputati O‘ktam Tangirov tomonidan Xo‘jayuz mahallasida profilaktika inspektori bilan hamkorlikda hududda jinoyatchilik va huquqbuzarliklarning oldini olish borasida amalga oshirilayotgan ishlar o‘rganildi.
✅O‘rganish davomida mahallada jamoat xavfsizligini ta’minlash, jinoyat va huquqbuzarliklarning oldini olish, giyohvandlik vositalari hamda psixotrop moddalar bilan bog‘liq huquqbuzarliklarning profilaktikasini kuchaytirish, spirtli ichimliklarni suiiste’mol qilish bilan bog‘liq salbiy holatlarning oldini olish masalalariga alohida e’tibor qaratildi.
✅Shuningdek, voyaga yetmaganlar o‘rtasida nazoratsizlik va huquqbuzarliklarning oldini olish, ularning bo‘sh vaqtini mazmunli tashkil etish, muammoli oilalar va profilaktik hisobda turuvchi shaxslar bilan manzilli profilaktik ishlarni olib borish holati muhokama qilindi.
Mazkur ishlar “Voyaga yetmaganlar o‘rtasida nazoratsizlik va huquqbuzarliklarning profilaktikasi to‘g‘risida”gi O‘zbekiston Respublikasi Qonuni (O‘RQ-263-son, 2010-yil 29-sentabr) talablari asosida tashkil etilishiga alohida e’tibor qaratildi.
✅O‘rganish yakunlari bo‘yicha mahallada osoyishtalik va jamoat xavfsizligini ta’minlash, huquqbuzarliklarning barvaqt oldini olish hamda voyaga yetmaganlar bilan profilaktik ishlarni yanada kuchaytirish yuzasidan tegishli tavsiya va takliflar bildirildi.