Xalq deputatlari Qo‘qon shahar Kengashi deputati I.Fayzullayev tomonidan “A.Navoiy” mahalla fuqarolar yig‘inida navbatdagi o‘rganish ishlari olib borildi.

O‘rganish davomida A.Qodiriy ko‘chasida qurilish chiqindilari tashlab ketilgan hudud joyiga chiqib ko‘zdan kechirildi. Mazkur holatning mahalla hududining obodonligi, sanitariya holati va ekologik muhitga ta’siri yuzasidan mas’ullar bilan fikr almashildi.

Deputat ushbu masalani “A.Navoiy” mahallasidagi hokim yordamchisi bilan birgalikda joyiga chiqib o‘rgandi.

O‘rganish yakunlari bo‘yicha hududda to‘planib qolgan qurilish chiqindilarini olib chiqib ketishni tashkil etish hamda masalani amaliy hal etish maqsadida tegishli mas’ul tashkilotga deputatlik so‘rovi yuborishga kelishib olindi.

Mazkur masala deputat nazoratiga olinib, qurilish chiqindilarining belgilangan tartibda olib chiqilishi va hududning obodonlashtirilishi yuzasidan tegishli ishlar davom ettiriladi.

Xalq deputatlari Qo‘qon shahar Kengashi