Aziz va qadrli tumandoshlar, hurmatli yoshlar!

Avvalambor, barchangizni eng ulug‘ va eng aziz bayramimiz — O‘zbekiston Respublikasi Mustaqilligining 35 yillik shonli to‘yi bilan chin qalbimdan samimiy muborakbod etaman!

Mustaqillik — bu bizning eng katta boyligimiz, erkin va farovon hayotimizning mustahkam poydevoridir. Oxirgi yillarda yurtimizda amalga oshirilayotgan keng ko‘lamli islohotlar, ayniqsa, yoshlar siyosati sohasidagi tub burilishlar har bir xonadonga, har bir yoshning hayotiga yangicha shijoat va ishonch olib kirdi.

Bugungi kunda davlatimiz rahbari tomonidan yoshlarni qo‘llab-quvvatlash, ularning sifatli ta’lim olishi, zamonaviy kasb-hunarlarni egallashi hamda o‘z tadbirkorlik tashabbuslarini amalga oshirishi uchun barcha imkoniyatlar yaratilmoqda. Yoshlar daftari, turli grantlar, innovasion loyihalar va rag‘batlantirish tizimlari orqali ming-minglab o‘g‘il-qizlarimiz o‘z orzulari tomon dadil qadam tashlamoqda. Jondor tumanida ham shijoatli va intiluvchan yoshlarimizning erishayotgan yutuqlari ko‘nglimizni faxrga to‘ldiradi. Sizlarning bilimga bo‘lgan intilishingiz, mehnatsevarligingiz va intiluvchanligingiz Yangi O‘zbekistonning mustahkam kelajagidir!

Qadrli vatandoshlar!

Ushbu qutlug‘ ayyom arafasida barchangizga mustahkam sog‘liq, xonadoningizga qut-baraka, tinchlik va omonlik tilayman. Yoshlarimizning yuzidagi tabassum, ko‘zidagi shijoat va yuragidagi Vatanga bo‘lgan muhabbati hech qachon so‘nmasin!

Mustaqilligimiz abadiy, yurtimiz tinch, xalqimiz farovon bo‘lsin!