Fuqarolar bilan muloqotda muammo va takliflar o‘rganildi

Xalq deputatlari Termiz tuman Kengashi 6-«At-Termiziy» saylov okrugi deputati B. Umarov saylangan hududda fuqarolar bilan uchrashuv va o‘rganish ishlari olib borildi.

O‘rganish jarayonida Xalq deputatlari Termiz tuman Kengashi mutaxassisi K.Abdullayeva hududga borib, fuqarolar bilan birgalikda ko‘chalarda yurib, ular bilan bevosita muloqot qildi.

Muloqot davomida hududda hozirgi kunda amalga oshirilayotgan ishlar yuzasidan fikr almashildi, shuningdek, fuqarolarning mavjud muammo va takliflari tinglandi.

Fuqarolar tomonidan bildirilgan murojaat va takliflar tegishli tartibda o‘rganilib, ularni hal etish yuzasidan mas’ul tashkilotlar bilan hamkorlikda tegishli choralar ko‘rilishi belgilandi.

Bunday uchrashuvlar aholining fikr-mulohazalarini bevosita o‘rganish, hududdagi muammolarni aniqlash va ularni o‘z vaqtida hal etishda muhim ahamiyat kasb etadi.