📌 Xalq deputatlari Jizzax shahar Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi aʼzolari — deputatlar X.Xamdamova va G.Anorboyeva hamda soha ekspertlari tomonidan navbatdagi sessiya muhokamasiga kiritilgan masalalar yuzasidan nazorat-tahlil tadbiri o‘tkazildi.

Xususan, ishchi guruh shahardagi 18-umumta‘lim maktabida bo‘lib, u yerdagi o‘quv jarayonining tashkil etilishi va umumiy sharoitlar bilan yaqindan tanishdi. Deputatlar maktabning moddiy-texnik bazasi holatiga alohida e‘tibor qaratib, sinfxonalarning jihozlanishi va zamonaviy ta‘lim standartlariga mosligini ko‘zdan kechirdilar.

Bunday nazorat tadbirlari sessiya oldidan muammolarni aniq tahlil qilish va ularga to‘g‘ri yechim topish imkonini beradi. O‘rganish yakunlari bo‘yicha to‘plangan ma‘lumotlar shahar Kengashining navbatdagi sessiyasida keng muhokama qilinishi rejalashtirilgan.