Xalq deputatlari Zomin tuman Kengashi deputatlari Y.Safarov va X.Xazratqulov tomonidan hududda “Tabiatni muhofaza qilish to‘g‘risida”gi O‘zbekiston Respublikasi Qonuni ijrosi yuzasidan o‘rganish olib borildi.

O‘rganish davomida hududdagi suv kanallarining sanitariya-ekologik holati, suv yo‘llarining tozaligi hamda ularga turli chiqindilarning tashlanishining oldini olish bo‘yicha amalga oshirilayotgan ishlar ko‘zdan kechirildi.

Suv kanallariga maishiy va boshqa turdagi chiqindilarning tushib qolishining oldini olish, suv yo‘llarining ifloslanishiga yo‘l qo‘ymaslik maqsadida chiqindilarni ushlab qoluvchi maxsus panjaralar o‘rnatildi.

Shuningdek, o‘rganish davomida tabiatni muhofaza qilish, suv resurslaridan oqilona foydalanish va ekologik talablarga rioya etish bo‘yicha mas’ullarga tegishli tavsiya va takliflar bildirildi.