Xalq deputatlari Bandixon tuman Kengashi raisining deputat sifatida navbatdagi uchrashuvi “Navro'z” mahallasida bo‘lib o’tdi

Xalq deputatlari Bandixon tuman Kengashi raisi, Xalq deputatlari tuman Kengashining 18-Navro'z saylov okrugidan saylangan deputat Erkin Jurayevning “Navro'z” mahallasidagi saylovchilar bilan navbatdagi uchrashuvi bo‘lib o‘tdi.

Uchrashuvda deputatning 2026-yilning dastlabki olti oyidagi faoliyati yuzasidan hisoboti taqdim etildi. Unda hududni ijtimoiy-iqtisodiy rivojlantirish, aholi farovonligini oshirish, infratuzilmani yaxshilash, obodonlashtirish va bunyodkorlik borasida amalga oshirilgan ishlar haqida batafsil ma’lumot berildi.

Fuqarolar tomonidan ichimlik suvini yaxshilash, hududni obodonlashtirish va ko‘kalamzorlashtirish, atrof-muhitni muhofaza qilish, elektr ta'minotini yaxshilash kabi masalalar yuzasidan murojaat va takliflar bildirildi.

Shuningdek, aholiga mamlakatimizda amalga oshirilayotgan islohotlar, yangi imkoniyat va imtiyozlar to’g’risida tushuntirishlar berildi.

Uchrashuv davomida fuqarolarning savollariga deputat tomonidan javoblar berilib, ko‘tarilgan muammolarni hal etish yuzasidan tegishli chora-tadbirlar beligilanib, murojaatlarning ijrosi nazoratga olindi.