Yig‘ilishda komissiya a’zolari, tegishli tashkilot va idoralar rahbarlari, Kengash huzuridagi ekspert guruhi hamda “Madad” NNTning Zomin tuman Huquqiy maslahat byurosi bosh mutaxassisi I.Tashbayev ishtirok etdi.

🗂 Kun tartibiga kiritilgan masalalar yuzasidan batafsil muhokamalar olib borildi:

O‘zbekiston Respublikasi Prezidentining 2025-yil 8-oktabrdagi PQ–298-son hamda 2026-yil 5-fevraldagi PQ–49-son qarorlariga asosan Zomin tumanida jami 5 ta mahalla fuqarolar yig‘ini (“Bunyodkor”, “Mustaqillik”, “Farovon”, “Obi hayot” va “Sh. Rashidov” mahallalari) “Yangi O‘zbekiston qiyofasidagi mahalla” loyihasiga kiritilgan. Mazkur mahallalarda olib borilayotgan bunyodkorlik va obodonlashtirish ishlari, shuningdek, belgilangan vazifalarning ijrosi holati to'g'risidagi masala muhokama qilindi

Muhokamalar yakunida kun tartibidagi barcha masalalar yuzasidan tegishli qarorlar qabul qilinib, mas’ullarga aniq topshiriqlar berildi hamda ularning ijrosini nazorat qilish belgilab olindi.