Uchrashuv davomida hokim yordamchisi tomonidan aholi bandligini ta’minlash, o‘zini o‘zi band qilish hamda tadbirkorlikni rivojlantirish yo‘nalishida amalga oshirilayotgan ishlar muhokama qilindi.

Shuningdek, chorvachilik faoliyatini yo‘lga qo‘yish istagida bo‘lgan fuqarolar bilan muloqot o‘tkazilib, imtiyozli kreditlardan foydalanish tartibi yuzasidan zarur tavsiyalar va huquqiy tushuntirishlar berildi.

Bundan tashqari, O‘zbekiston Respublikasi Prezidentining 2023-yil 12-iyundagi PF–91-son Farmoni mazmun-mohiyati yuzasidan tushuntirishlar berilib, aholini kambag‘allikdan chiqarish, chorvachilik, dehqonchilik va hunarmandchilikni rivojlantirish uchun yaratilgan imtiyoz va imkoniyatlardan samarali foydalanish masalalariga alohida e’tibor qaratildi.

Fuqarolar bilan ochiq muloqot qilish, ularning murojaatlarini joyida o‘rganish va amaliy yechim topishga ko‘maklashish deputatlik faoliyatining ustuvor yo‘nalishlaridan biridir.

Xalq deputatlari Samarqand shahar Kengashi