O‘zbekiston Respublikasi Prezidentining 2023-yil 21-dekabrdagi “Mahalla institutining jamiyatdagi rolini tubdan oshirish va uning aholi muammolarini hal etishda birinchi bo‘g‘in sifatida ishlashini ta’minlashga qaratilgan chora-tadbirlar to‘g‘risida”gi PF–209-son Farmoni ijrosi yuzasidan deputatlik nazorati tadbiri o‘tkazildi.Xalq deputatlari Parkent tuman Kengashiga 3-“Bog‘bon” saylov okrugidan saylangan deputat To‘layev Eldor Zafaritdin o‘g‘li tomonidan “Qayilma” mahalla fuqarolar yig‘inida mahalla raisi faoliyati hamda “Mahalla yettiligi” tomonidan amalga oshirilayotgan ishlar o‘rganildi.Nazorat tadbiri davomida mahalla raisi J.Salimov bilan uchrashuv o‘tkazilib, PF–209-son Farmonida belgilangan vazifalar ijrosi,xususan, mahalla obodligini ta’minlash, “Obod mahalla”, “Obod ko‘cha” va “Obod xonadon” mezonlarini amaliyotga joriy etish, fuqarolarning ijtimoiy faolligi va mas’uliyatini oshirish, shuningdek, “Yashil makon” umummilliy loyihasi doirasida olib borilayotgan ishlar atroflicha muhokama qilindi.Shuningdek, deputat tomonidan mahalla raisiga Farmon ijrosi va amalga oshirilayotgan ishlar yuzasidan bir qator savollar berildi.Jumladan mahallada “Mahalla yettiligi” faoliyati qanday tashkil etilgani,ehtiyojmand oilalarni qo‘llab-quvvatlash va ularning bandligini ta’minlash bo‘yicha ko‘rilayotgan choralar,aholi murojaatlarini ko‘rib chiqish hamda ularning ijrosini ta’minlash holati yuzasidan tushuntirishlar olindi.Uchrashuv davomida mahalla raisi tomonidan 34-son umumiy o‘rta ta’lim maktabida 450 o‘rinli qo‘shimcha bino qurish, mahalla hududida dorixona tashkil etish hamda boshqa dolzarb masalalar yuzasidan murojaatlar bildirildi. Mazkur taklif va tashabbuslar deputat ishtirokida muhokama qilinib, ularni ijobiy hal etish mexanizmlari yuzasidan fikr almashildi.Xususan, “Qayilma” MFY hududidagi 34-son umumiy o‘rta ta’lim maktabi uchun 450 o‘rinli qo‘shimcha bino qurish masalasini Xalq deputatlari Parkent tuman Kengashining tegishli doimiy komissiyasi yig‘ilishida ko‘rib chiqish hamda mas’ul rahbarlarga deputatlik nazorati tartibida savollar kiritish belgilandi. Ushbu masala deputat nazoratiga olindi.O‘rganish yakunida mahalla raisi faoliyati samaradorligini yanada oshirish, aholi murojaatlari bilan ishlash tizimini takomillashtirish, “Mahalla yettiligi” faoliyatini kuchaytirish hamda aniqlangan muammolarni o‘z vaqtida bartaraf etish yuzasidan tegishli tavsiya va takliflar bildirildi.