Xalq deputatlari Taxiatosh tumani Kengashi kotibiyati mudiri, Oʻzbekiston Ekologik partiyasidan saylangan deputat Matniyazov Akbar Qadirovich “Ekspert guruhi” a’zosi K.Bektayev bilan birgalikda “Do‘stlik” MFY hududida aholi murojaati asosida o‘rganish olib bordi.

🔎 O‘rganish davomida aholi yashash uylariga tortilgan gaz quvurlarining ayrim joylarda beton ustunlardan yerga tushib, tartibsiz holatda yotgani aniqlandi.

👥 Masalani joyida hal etish maqsadida “Taxiatosh tumangaz” ta’minoti bo‘limi boshlig‘i S.Qutlimuratov voqea joyiga taklif qilindi. Muhokama yakunida gaz quvurlarini belgilangan texnik va estetik talablar asosida tartibga keltirish ishlari yaqin kunlarda amalga oshirilishi ma’lum qilindi.

⚡️ Aholi murojaatlariga tezkor munosabat bildirish va mavjud muammolarni mas’ul tashkilotlar bilan hamkorlikda bartaraf etish bo‘yicha ishlar izchil davom ettirilmoqda.