Xalıq deputatları Bozataw rayonlıq Keńesiniń deputatı B.Nurlımuratova tárepinen Bozataw rayonı «Erkindarya» awıl puqaralar jıyınındaǵı «Dobal» awılınıń ishki jolın tolıq juwmaqlanbay qalǵanlıǵı sebebli rayonlıq Abadanlastırıw basqarması baslıǵınıń orınbasarı K.Palibekovqa deputatlıq sorawı jiberildi. Sorawda puqaralar múrájatı tiykarında qalıp ketken 800 metr ishki joldı tolıq islew hám bul boyınsha 10 kún ishinde rásmiy juwap beriw soraldı. Saylawshılardıń múrájaatları deputatlıq qadaǵalaw astında. Másele boyınsha qosımsha maǵlıwmatlar berilip barıladı.