Xalq deputatlari viloyat Kengashi kotibiyati bosh yuriskonsulti S.Mamatov, Xalq deputatlari Paxtakor tumani Kengashi deputati K.Mamanova hamda tuman Kengashi bosh mutaxassislari tomonidan Oqbuloq mahallasida boshlangan asfaltlashtirish ishlari bilan tanishildi.

O‘rganish davomida Xalq deputatlari Paxtakor tumani Kengashining 2026-yil 16-iyundagi VII-28-87-3-52-K/26-son qarori ijrosi doirasida mahalla ichki yo‘llarini asfaltlashtirish bo‘yicha boshlangan qurilish-ta’mirlash ishlari ko‘zdan kechirildi.

Shuningdek, mas’ul tashkilot vakillari bilan amalga oshirilayotgan ishlarning borishi, sifati hamda belgilangan muddatlarda yakunlanishini ta’minlash masalalari muhokama qilindi. Ishlar jarayonida sifat va nazorat masalalariga alohida e’tibor qaratilishi yuzasidan tegishli tavsiyalar berildi.