"Kelajak markazi"da davlat tilida ish yuritish holati o‘rganildi

🔹 Xalq deputatlari Paxtachi tumani Kengashining 9-"Obodon" saylov okrugidan saylangan deputati Xusanova Norbegim Rivojovna, Kengash kotibiyati mutaxassisi S. Safarova hamda tuman hokimining davlat tili masalalari bo‘yicha maslahatchisi
N. Shodiyeva hamkorligida "Kelajak markazi"da ish yuritish hujjatlarining yuritilish holati, shuningdek, “Davlat tili to‘g‘risida”gi Qonun hamda sohaga oid qonunchilik hujjatlari ijrosi o‘rganildi.

O‘rganish jarayonida aniqlangan xato va kamchiliklar joyida bartaraf etildi. Shuningdek, tashkilot rahbariyati va xodimlariga davlat tilida ish yuritish, xizmat hujjatlarini amaldagi me’yoriy talablar asosida rasmiylashtirish yuzasidan zarur tushuntirishlar berilib, amaliy-uslubiy yordam ko‘rsatildi.