Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq O‘zbekiston “Adolat” sotsial-demokratik partiyasidan saylangan deputatlar M.Ashurov va T.Mirsidiqov tomonlaridan tumanning “Chinor” mahallasi ichki yo‘llari holatlari va ularni ta’mirlash bo‘yicha belgilangan chora-tadbirlar o‘rganildi.

O‘rganish jarayonida mahalla hududidagi ichki ko‘chalar va yo‘llarning texnik holati ko‘zdan kechirilib, aholi uchun qulay va xavfsiz harakatlanishni ta’minlash maqsadida amalga oshirilayotgan ishlar tahlil qilindi. Ayniqsa, ta’mirtalab yo‘l uchastkalari, yomg‘ir va qor suvlari ta’sirida shikastlangan yo‘laklar hamda transport harakati serqatnov bo‘lgan hududlarga alohida e’tibor qaratildi.

Deputat mahalla faollari bilan muloqot qilib, ichki yo‘llarni ta’mirlash bo‘yicha fikr almashdi. Shuningdek, yo‘llarni shag‘allash, asfaltlash, yo‘l chetlarini tartibga keltirish, suv qochirish tarmoqlarini yaxshilash hamda harakat xavfsizligini ta’minlashga qaratilgan chora-tadbirlarning amalga oshirilish holati ham o‘rganildi.

O‘rganish yakunida mahallaning ichki yo‘llarini yanada yaxshilash, ta’mirlash ishlarini belgilangan muddatlarda va sifatli bajarish, aholi uchun munosib infratuzilma yaratish bo‘yicha tegishli tavsiyalar berildi. Deputat tomonidan mazkur masala doimiy nazoratda saqlanishi ta’kidlandi.