Kengash qaror ijrosi oʻrganildi: Akademik eshkak eshish bazasi qurilishi bo‘yicha o‘rganish o‘tkazildi.

O‘zbekiston Respublikasi Prezidentining 2026-yil 7-apreldagi “Sirdaryo viloyatini 2026-yilda kompleks ijtimoiy-iqtisodiy rivojlantirish bo‘yicha qo‘shimcha chora-tadbirlar to‘g‘risida”gi PQ-132-sonli qarori hamda Xalq deputatlari Boyovut tumani Kengashining 2026-yil 2-iyundagi VII-26-54-9-123-K/26-son qaroriga asosan Boyovut tumanida Akademik eshkak eshish bazasini barpo etish uchun Sirdaryo viloyat hokimligi huzuridagi “Yagona buyurtmachi xizmati” DUKga 295 million 338 ming so‘m mablag‘ ajratilgan.

Mazkur qaror ijrosi yuzasidan Xalq deputatlari Boyovut tumani Kengashi deputati A. Odilov hamda Kengash kotibiyati xodimlari tomonidan o‘rganish ishlari olib borildi.

O‘rganish davomida obyekt bo‘yicha qurilish ishlari hali boshlanmagani, hozirda qurilish-pudrat tashkilotini aniqlash bo‘yicha ochiq tender jarayoni davom etayotgani aniqlandi.

Mazkur loyiha ijrosi va ajratilgan mablag‘larning maqsadli hamda samarali sarflanishi yuzasidan deputatlik nazorati davom ettiriladi.