Butun dunyo bo‘ylab, har yilning 1-iyun kuni “Butun jahon bolalarni himoya qilish kuni” sifatida nishonlanadi. Xalqaro bolalarni himoya qilish kuni butun dunyo bolalari uchun eng beg‘ubor va quvonchli bayram hisoblanadi. Mamlakatimizda ham ushbu bayram har yili dillarda quvonch ila nishonlanadi.

Mirzo Ulug‘bek tumanidagi “Sayram”, “Buyuk Ipak yo‘li”, BO‘Z” va “Olimlar” mahallalarida ham bolalar uchun maxsus bayram tadbirlari tashkil etildi.

Tashkil etilgan bayram tadbirlarida Xalq deputatlari Mirzo Ulug‘bek tumani Kengashi kotibiyati mudiri Shoanvar Shomaxmudov bolajonlarni tabrikladi.

Tadbirlar davomida bolalar o‘z uylaridan uzoqqa ketmagan holda turli musobaqalarda ishtirok etib, bayram dasturlarini tomosha qildilar. Tomoshalar tashkil etilgani bolalarga yanada quvonch bag‘ishladi.

Shuningdek, bolajonlarga maxsus bayram sovg‘alari ham ulashildi.