Xalq deputatlari Bekobod tumani Kengashi deputati I. Qodirova tashabbusi bilan “Mehr ulashaylik” aksiyasi doirasida homiylar hamkorligida xayriya tadbiri tashkil etildi.

Tadbir davomida deputat markaziy shifoxonaning bolalar bo‘limida davolanayotgan kam ta’minlangan va ehtiyojmand oilalar farzandlari holidan xabar olib, ularga mehr va e’tibor ko‘rsatdi. Bolajonlarga turli sovg‘alar hamda zaruriy yordam vositalari topshirilib, ularning sog‘lig‘i va kayfiyati bilan yaqindan qiziqildi.

Shuningdek, aksiya davomida insonparvarlik, saxovat va mehr-oqibat kabi ezgu qadriyatlarni keng targ‘ib qilish, ehtiyojmand oilalarni qo‘llab-quvvatlash hamda bolalarga quvonch ulashish asosiy maqsad ekani ta’kidlandi. Bunday xayriya tadbirlari jamiyatda hamjihatlik va insoniylik tuyg‘ularini yanada mustahkamlashga xizmat qilmoqda.