Xalıq deputatları Bozataw rayonlıq Keńes sekretariatı baslıǵı 1-Palwash ataw saylaw okruginiń deputatı, (ÓzMTDP) Ibragimov Aziz Jalgasovich búgin azannan óz jumısın sistemalı túrde basladı.
Atap aytqanda, deputat kúndi "E-keńes" elektron platformasına kirip, puqaralardan kelip túsken múrájatlardı hár tárepleme úyreniwden basladı.
Úyreniw procesinde:
múrájatlardıń mazmun-mánisi tereń tallanıp, olardıń áhmiyetliligi hám sheshim talap etetuǵın tárepleri anıqlastırıldı;
hár bir múrájat boyınsha tiyisli shólkemler menen birgelikte kóriletuǵın ilajlar belgilep alındı;
puqaralardıń nızamlı máplerin qorǵaw hám olardıń mashqalaların unamlı sheshiwge ayrıqsha itibar qaratıldı;
hár bir múrájat deputat qadaǵalawında.
Sonday-aq, múrájatlardıń orınlanıwı ústinen turaqlı qadaǵalaw ornatıw, olardıń óz waqtında hám sapalı kórip shıǵılıwın támiyinlew boyınsha anıq wazıypalar belgilendi.
Deputat tárepinen puqaralardıń múrájatları menen islesiw, olardı sistemalı túrde úyreniw hám ámeliy sheshimler islep shıǵıw jumısları izbe-iz dawam ettiriledi.