DEPUTATLAR QADAǴALAWI: XALIQTIŃ ABADANLIǴI - EŃ TIYKARǴI WAZIYPA!

Rayon orayında jaylasqan kóp qabatlı turaq jaylarda xalıq ushın qolaylı hám qáwipsiz sharayat jaratıw maqsetinde Xalıq deputatları Nókis rayonlıq Keńesi deputatları N.Seytnazarov, Sh.Qalmuratov R.Saparniyazovlar tárepinen keń kólemli úyreniw jumısları alıp barıldı.

Úyreniwler dawamında turaq jaylardıń ishki jolları (podezdleri), jer tóleleri hám átirapındaǵı aymaqlardıń sanitariyalıq jaǵdayı, tazalıǵı hám túngi jaqtılandırılıwı ayrıqsha itibar orayında boldı. Sonday-aq, xalıqqa kórsetilip atırǵan kommunallıq xızmetler - suw támiynatı, elektr energiyası hám tábiyǵıy gaz benen baylanıslı mashqalalar da hár tárepleme úyrenildi.

Anıqlanǵan kemshiliklerdi saplastırıw boyınsha tiyisli shólkemlerge ámeliy kórsetpeler berildi hám orınlanıwı deputatlıq qadaǵalawǵa alındı.

✨ Bul ilajlardan gózlengen tiykarǵı maqset - xalıq ushın múnásip jasaw sharayatın támiyinlew, mashqalalardı ornında sheshiw hám xalıq penen pikirlesiwdi jáne de bekkemlewden ibarat.

📌 Deputatlar tárepinen bunday úyreniwler izbe-iz dawam ettiriledi.

👉https://t.me/Nukus_tuman_Kengashi

👉https://www.facebook.com/reel