Xalq deputatlari Boyovut tumani Kengashining tegishli qaroriga muvofiq, “Infratuzilma va ijtimoiy barqarorlik” jamg‘armasi mablag‘lari hisobidan ehtiyojmand oilalarni qo‘llab-quvvatlash bo‘yicha aniq va manzilli ishlar amalga oshirilmoqda.

Mazkur qaror asosida tumanda ijtimoiy reyestrga kiritilgan, ayniqsa I-guruh nogironligi mavjud hamda mehnatga layoqatli a’zosi bo‘lmagan oilalarga alohida e’tibor qaratilmoqda.

Shunga ko‘ra bugun, xalq deputatlari Sirdaryo viloyat Kengashi kotibiyati bosh mutaxassisi E.Xaitboyev, tuman Kengashi raisi O.Isanov, deputatlar A.Amanlikov hamda A.Ibadullayevlar tomonidan “Ijodkor” mahallasida fuqaro xonadoniga tashrif buyurib, amalga oshirilgan ishlar joyida o‘rganildi. O‘rganish jarayonida oilalarning yashash sharoiti, mavjud muammolar va ehtiyojlari atroflicha tahlil qilindi.