Deputat ońlanıp atırǵan baqsha jumısların úyrendi

⚡️ Xalıq deputatları Shımbay rayonlıq Keńesi deputatı J.Alieva tárepinen “Shaxtemir” MPJ aymaǵındaǵı ońlanıp atırǵan 23-sanlı mektepke shekemgi bilimlendiriw shólkeminde alıp barılıp atırǵan qurılıs-ońlaw jumısları úyrenildi.

Úyreniw dawamında imarattıń ishki hám sırtqı bólimlerin ońlaw, topar xanaları, jataqxanalar, asxana, sanitariyalıq xanalar hám basqa da járdemshi xanalarda ámelge asırılıp atırǵan jumıslar kózden ótkerildi.

Sonday-aq, ońlaw jumıslarınıń sapası, qurılıs materiallarınan paydalanıw, abadanlastırıw jumısları hám balalar ushın qáwipsiz jáne qolaylı sharayat jaratıw máselelerine ayrıqsha itibar qaratıldı.

Deputat tárepinen ońlaw jumısların belgilengen múddetlerde hám sapalı juwmaqlaw, anıqlanǵan kemshiliklerdi saplastırıw hám balalar ushın múnásip sharayatlar jaratılǵan halda baqshanı paydalanıwǵa tapsırıw boyınsha tiyisli usınıs hám usınıslar bildirildi.