Xalq deputatlari Pastdarg‘om tuman Kengashining navbatdagi sessiyasi kun tartibiga tuman veterinariya va chorvachilikni rivojlantirish bo‘limi boshlig‘ining hisoboti kiritilganligi munosabati bilan deputatlar tomonidan joylarda sessiya oldi o‘rganish ishlari davom ettirilmoqda.

Deputat X. Turdiyev Qorag‘uppa mahallasida fuqarolar xonadonlariga tashrif buyurib, veterinariya xizmatlari amaliyoti bilan yaqindan tanishdi.

O‘rganish jarayonida Qorag‘uppa mahallasi aholisi tomonidan chorva mollarining qariyb 70 foizi veterinariya pasportlari bilan ta’minlanib, raqamlashtirish ishlari amalga oshirilgani qayd etildi.

Bu esa sohada hisob-kitob tizimini takomillashtirish hamda epizootik barqarorlikni ta’minlashda muhim ahamiyat kasb etishi ta’kidlandi.

Shu bilan birga, qolgan chorva mollarini ham to‘liq veterinariya ro‘yxatidan o‘tkazish va pasportlashtirish ishlarini yakunlash yuzasidan tegishli tavsiyalar berildi.