Mirzo Ulug‘bek tumani Kengashi deputati Ravshan Umarov “Xamid Olimjon” mahallasida “mahalla yettiligi” bilan uchrashuv o‘tkazdi.

Uchrashuv jarayonida amalga oshirilayotgan ishlar muhokama qilinib, O‘zbekiston Respublikasi Prezidentining 2026-yil 24-iyundagi “Mahalla boshqaruvini samarali tashkil etishga oid qo‘shimcha chora-tadbirlar to‘g‘risida”gi PF-116-sonli Farmonida belgilangan vazifalar yuzasidan suhbat o‘tkazildi.

Deputat mahallada infratuzilma, tadbirkorlik, kambag‘allik, ishsizlik, jinoyatchilik, nizoli oilalar, aholi murojaatlari yuzasidan olib borilayotgan ishlar bilan yaqindan tanishib, yuzaga kelgan muammolarni o‘z vaqtida hal etish choralarini ko‘rish yuzasidan o‘z tavsiyalarini berdi.

Shuningdek, okrug deputati “Mirzakalon Ismoiliy” mahallasida bo‘lib, aholini ommaviy sportga jalb qilish, har oyda ommaviy hasharlar uyushtirish, ko‘chalar, xonadonlar, ko‘p qavatli uylar, yo‘lakchalar, ariq (zovur)lar va ijtimoiy obyektlarning tozaligi va obodligini doimiy ta’minlash bo‘yicha targ‘ibot tadbirlariga e’tiborni yanada kuchaytirish lozimligini aytib o‘tdi.