Xalıq deputatları Qaraózek rayonlıq Keńesi 12-Qarakól saylaw okruginen deputat, Ózbekstan Ekologiyalıq partiyası rayonlıq Keńesi baslıǵı A,Kelimbetova, rayon hákimi orınbasarı R.Sagidullaeva hám birge islesiwshi mákeme, shólkemler wákilleri hám jaslar másláhát topar aǵzaları qatnasında 1-sanlı texnikumda jaslar menen ushırasıwı bolıp ótti.
Ushırasıwda deputat A.Kelimbetova jaslarǵa jaratılıp atırılǵan jeńillik hám imkaniyatlar, bul baǵdarda ámelge asırılıp atırılǵan jumıslar hám jańadan qabıl etilgen nızam hám pármanlardıń mazmunı haqqında maǵlıwmat berdi.
Sonday-aq, jaslar arasında ruwxıy salamat ortalıqtı jaqsılaw, reproduktiv salamatlıqtı bekkemlew hámde temeki, náshebentliktiń zıyanı boyınsha pikir alısıldı.
Bunnan soń jaslardıń qızıqtırǵan sorawlar hám usınıslarına juwaplar berildi.