#bunyodkorlik

Yangi qiyofa, yangi imkoniyatlar

❄️Chirchiq shahrida “Obod xonadon – obod ko‘cha – obod mahalla” mezonlari asosida amalga oshirilgan bunyodkorlik ishlari doirasida “Yoshlik” mahallasi to‘liq yangilanib, foydalanishga topshirildi.

Ilgari og‘ir toifadagi mahallalar qatorida bo‘lgan ushbu hududda infratuzilma tubdan yaxshilandi. Xususan, 15 ta ko‘p qavatli uyning fasad va tom qismi, oyna romlari, kirish yo‘laklari hamda yerto‘lalar mukammal ta’mirlandi. Uylarning kirish qismiga elektron kodli qulflar o‘rnatildi, devorlar esa milliy uslubdagi rasmlar bilan bezatildi.

🌀Mahallada aholiga, ayniqsa yoshlarga xizmat qiladigan zamonaviy kutubxona faoliyati yo‘lga qo‘yildi. Shuningdek, ikkita bolalar o‘yin maydonchasi va sport bilan shug‘ullanish uchun “Workout” maydonchasi barpo etildi. Zarur sport anjomlari, o‘rindiqlar va dam olish uchun mo‘ljallangan jihozlar o‘rnatilib, aholiga qulayliklar yaratildi.

Tadbirda Prezident maslahatchisi o‘rinbosari P. Bobojonov, Xalq deputatlari  viloyat Kengashi raisi S. Fayziyeva, viloyat hokimi o‘rinbosari Sh. Mahmudov hamda Chirchiq shahar hokimi M. Abdurahimovlar ishtirok etdi.