Xalq deputatlari Taxiatosh tumani Kengashi raisi, Oʻzbekiston Liberal-demokratik partiyasidan saylangan deputat Xidirbayev Rashid Xidirbayevich kotibiyat mudiri A.Matniyazov, Kambag‘allikni qisqartirish va bandlikka ko‘maklashish bo‘limi boshlig‘i o‘rinbosari M.Djangabayev hamda Investitsiya bo‘limi bosh mutaxassisi S.Masharipovlar bilan birgalikda tumanda amalga oshirilayotgan yirik investitsiya loyihasi — mayning va zamonaviy data markaz qurilishi bilan tanishdi.

🇺🇿 Mazkur loyiha O‘zbekiston Respublikasi Prezidentining “Sun’iy intellekt texnologiyalarini yanada rivojlantirishga oid qo‘shimcha chora-tadbirlar to‘g‘risida”gi farmoni doirasida amalga oshirilmoqda.

💸 Loyiha haqida qisqacha:

▪️ umumiy qiymati — taxminan 3,5 mlrd AQSh dollari

▪️ zamonaviy data markaz va mayning infratuzilmasi

▪️ yuqori quvvatli hisoblash imkoniyatlari

▪️ yangi ish o‘rinlari yaratish

🌐 Ushbu loyiha hududda axborot texnologiyalari infratuzilmasini rivojlantirish, raqamli iqtisodiyotni kengaytirish va innovatsion muhitni shakllantirishga xizmat qiladi.

🤝 Tashrif davomida deputat Xitoy Xalq Respublikasidan kelgan investorlar bilan uchrashib, quyidagi masalalarni muhokama qildi:

▪️ mahalliy aholini ish bilan ta’minlash

▪️ qurilish ishlarida mahalliy kadrlar ishtirokini kengaytirish

▪️ loyihani samarali va sifatli amalga oshirish

📈 Ta’kidlanishicha, mazkur investitsiya loyihasi:

▪️ hududning investitsion jozibadorligini oshiradi

▪️ zamonaviy texnologiyalarni joriy etadi

▪️ iqtisodiy o‘sishga kuchli turtki beradi

🇺🇿 Taxiatosh — innovatsiyalar va zamonaviy texnologiyalar sari qadam tashlamoqda!