Xalq deputatlari Taxiatosh tumani Kengashi raisi Xidirbayev Rashid Xidirbayevich tomonidan tumanda jinoyatchilikka qarshi kurashish, huquqbuzarliklarning oldini olish hamda jamoat xavfsizligini ta’minlash borasida olib borilayotgan ishlar izchil o‘rganilmoqda.

📍 Navbatdagi o‘rganish ishlari qizil toifaga kiritilgan “Jayxun” MFY hududida tashkil etildi.

👮‍♂️ Mahalla profilaktika inspektori tomonidan hududdagi kriminogen vaziyatni barqarorlashtirish, jinoyatchilikning sabab va omillarini bartaraf etish yuzasidan amalga oshirilayotgan ishlar, ishlab chiqilgan ish rejalari hamda profilaktik chora-tadbirlar taqdim etildi.

🎥 Shuningdek, jamoat xavfsizligini ta’minlash maqsadida o‘rnatilgan videokuzatuv kameralari ko‘zdan kechirilib, ularning texnik holati va samaradorligi o‘rganildi.

📋 O‘zbekiston Respublikasi Prezidentining 2026-yil 5-yanvardagi PQ–1-sonli qarori ijrosi doirasida hududda jinoyatchilikka qarshi kurashish, huquqbuzarliklarning barvaqt oldini olish va xavfsiz muhit yaratish borasidagi ishlar tahlil qilindi.

📌 O‘rganish yakunlari bo‘yicha mavjud holatni yanada yaxshilash hamda profilaktika tadbirlarini kuchaytirish yuzasidan tegishli tavsiyalar berildi.